Salvaleón i a Orden de Alcántara
En 1253 se produju otru momentu decisivu: Alfonso X de Castilla i IX de León-Galicia cedeu a fortaleza de Salvaleón a Orden de Alcántara, juntu con a villa i us dereitus con que había siu poblá por Alfonso VIII de León-Galicia. Poicu dispois, u maestri Pedro Ibáñez ratificó sei fueru i otrorgó a martiniega a us pobladoris. A intervención de a orden reforza u carácter fronterizu de Salvaleón i sua función dentru du sistema defensivu en a fronteira con Portugal, reinu que nacera un siglu antis i cuya fronteira derivó en un novu problema de control pa u reinu galaiculeonés. Ya que us territorius da ribeira du Coa chegarían a sel arrebataus a León-Galicia por Dinis I de Portugal.
Esta fasi nun debi enteldelsi solu comu unha cesión puntual, sinon comu sua integración en unha estructura política, milital i jurisdiccional máis amplia. U documentu señala tamen que a presencia da orden provocó tensions con u obispau de Coria, resoltas en 1257 medianti un acordu sobre varias localidais serranas, entre elas Salvaleón. To isu mostra que u castelu nun era un puntu aislau, sinon unha peza dentru de unha estructura de podel que articulaba defensa, poblamentu i control du territoriu.
Sua posición estratégica na fronteira con Portugal reforza esta interpretación, situánduu dentru du sistema defensivu du occidenti du reinu de León-Galicia.