Yacimentu Salvaleón
Cuñoci un enclavi históricu en Valverdi du Fresnu ondi a arqueología permiti reconstruil cómu vivían as sociedais du pasau
U yacimentu de Salvaleón conserva as huellas de un asentamentu de gran complejidai, en u que se combinan estructuras defensivas, espacius habitacionais y áreas vinculás a u ámbitu religiosu i funerariu. Us traballus arqueológicus recentis han permitiu documental i comprendel miyol esti enclavi, aportandu novas clavis pa sua interpretación i conservación.
Se sitúa en u términu municipal de Valverdi du Fresnu, en un entornu de fronteira que ha condicionau históriamenti sei desarrollu. Sua ubicación estratégica i as estructuras conservás permitin indentificalu comu un asentamentu de gran interés arqueológicu, cuya ocupación se extendi a u largu du tempu i refleja distintus momentus históricus. É u lugal ondi se asentaran habitantis medievais que conformaran esta comarca comu a cuñucemus oixi, i ondi originó A Fala, unha das principais señas de identidai da comarca.
Nus últimus anus se han levau a cabu traballus de prospección i excavación arqueológica que han permitiu documental estructuras, identifical áreas de ocupación i analizal a evolución du yacimentu. Estas intervencións han siu clavi pa comprendel sua organización interna i asental as basis pa sua conservación i posta en valol.
