Sectoris de excavación
A intervención arqueológica nu yacimentu de Salvaleón se organizó en distintus sectoris du yacimentu, definíus con u objetivu de estructural a excavación i abordal de maneira ordená as diferentis áreas du enclavi. Esta división ha permitiu documental con precisión espacius con características diversas, facilitandu tantu u registru arqueológicu comu sua posteriol interpretación.
Us traballus se concentraran en cuatru sectoris principais. Cada un de estis sectoris presenta particularidais propias en cuantu a sua configuración, estau de conservación i tipu de estructuras documentás u que ha permitiu obtel unha visión amplia i complementaria du conjuntu.
La Corona
Información
U sondeu realizau na Coroa, se sitúa na estructura localizá a u soroesti du esti du recintu superiol. Ha proporcionau información relevanti sobre a organización interna du asentamentu. En esti espaciu se han profundizau nu interiol de unha estructura, asociá a unha posibli estancia o unidai doméstica, que permitin intuil a existencia de un espaciu habitacional organizau.
Modelo 3D
Segundo recinto
Información
U sondeu realizau a u oesti du segundu recintu, ha permitiu cuñucel a fábrica i construcción da muralla, oculta en superficii a chegá du equipu en esta zona. Así comu a documentación de estructuras con un altu grau de alteración, afectás por procesus de derrumbi i reutilización. A pesal de isu, a excavación ha siu clavi pa recuñucel a disposición original de algunhus elementus i avanzal na comprensión da evolución du espaciu.
Fortín
Información
U sondeu realizau nu reductu o fortín localizau a u esti du principal recintu amurallau ha permitiu amplial a lectura du yacimentu máis alá du sei núcleu principal. Us traballus en esti sectol ha contribuíu a identificar límitis, posiblis zonas de transición i elementus que ajudan a comprendel a extensión i articulación du asentamentu.
Iglesia
Información
A excavación na iglesia resulta especialmenti interesanti por us restus documentaus, vinculaus as actividais desarrollás nu templu (u altal i dois bancus corrius, ubicaus nu ábsidi), así comu por sua orientación esti-oesti. Ademais, se han identificau varias tumbas excavás directamenti na roca, que presentan a misma orientación esti-oesti, con a cabeceira du difuntu hacia u oesti. Estis hallazgus ofrecin información valiosa sobre as prácticas funerarias du yacimentu i sua relación con u espaciu construíu.
Modelo 3D
U estudiu conjuntu de estis sectoris permiti comprendel u yacimentu de Salvaleón comu un espaciu compleju, nu que se combinan áreas defensivas, de hábitat, espacius de carácter religiosu i zonas asociás a prácticas funerarias. A excavación por sectoris nun solu ha facilitau a organización du traballu de campu, sinon que ha siu clavi pa reconstruil a estructura interna du enclavi i avanzal na sua interpretación histórica.