U recintu inferiol
U RECINTU INFERIOL: ESPACIU DE VIDA COTIDIANA
Rodeandu a coroa se extendi un segundu recintu de mayol tamañu, que constituyi a principal área de ocupación du yacimentu. Esti espaciu, tamén amurallau, respondi a unha ampliación posteriol i refleja un momentu de mayol desarrollu du asentamentu.
A diferencia da coroa, esti recintu presenta unha organización máis aberta, con numerosas estructuras que correspondin a espacius habitacionais i productivus. Aquí se desarrollan as actividais cotidianas da comunidai: a vida doméstica, u almacenamentu, a preparación de alimentus o us traballus relacionaus con u mantenimentu du asentamentu.
U sistema defensivu sigui sendu fundamental en esta zona. As murallas alcanzan gran grosol i se abrin en accesus diseñaus pa dificultal a entrá, con recorrius en ángulu que obligaban a reducil a velocidai i facilitaban sei control. A istu se suma a presencia de un fosu excavau na roca i cincu escaleiras que conectaban con u camiñu de ronda.
Esti espaciu mostra cómu defensa i vida cotidiana nun eran ábitus separaus, sinon profundamenti interrelacionaus dentru du asentamentu.