Quén u ha estudiau
U cuñucimentu históricu i arqueológicu actual du yacimientu de Salvaleón ha siu ampliau gracias a us traballus desarrollaus por un equipu especializau en arqueología, encargau de leval a cabu tantu as laboris de prospección comu a excavación arqueológica i us traballus asociaus de documentación, análisis e interpretación.
A intervención ha siu realizá por a empresa arqueológica Tempos Arqueólogos S.L. baju encargu du Ayuntamentu de Valverdi du Fresnu, dentru de un proyectu orientau a u estudiu, conservación i posta en valol du enclavi. U equipu técnicu ha estau formau por profesionais con experiencia en intervención arqueológica, u que ha permitiu abordal u yacimentu desde unha perspectiva rigurosa i sistemática.
Us traballus han incluíu distintas fasis complementarias. Por un lau, unha prospección arqueológica superficial que ha permitiu identifical i documental estructuras poicu visiblis superficialmenti nu yacimentu, así comu general unha basi de datus detallá du yacimentu. Por otru, a intervención arqueológica en campu ha permitiu profundizal en u cuñucimentu du enclavi medianti a excavación de distintus sondeus, u análisis estratigráficu i u estudio dus materiais recuperaus.
Ademais du traballu de campu, u proyectu ha implicau unha importanti labol de documentación i análisis de gabineti. A información recollía duranti a intervención ha siu procesu medianti u registru sistemáticu de estructuras, unidais estratigráficas i materiais arqueológicus, así comu medianti a elaboración de documentación gráfica i planimétrica. Esti conjuntu de datus constituyi a basi pa interpretación du yacimentu i pu desarrollu de futuras investigacións.
A labol desarollá en Salvaleón nun se limita únicamenti a excavación, sinon que forma parti de un procesu máis ampliu orientau a protección i valorización du patrimoniu. U traballu du equipu ha permitiu transformal un yacimentu con escasa documentación en un enclavi miyol cuñuciu, documentau i preparau pa sua conservación i difusión.
