Época islámica: fronteira, expedicións i control inestabli du territoriu
Duranti a expansión musulmana na Península Ibérica, a Serra de Gata sigui sendu un espaciu du que se cuñocin poicas noticias directas, pero as referencias conservás permitin entendela comu unha zona de pasu, de fricción i de control inestabli.
U historiadol andalusí Ibn Hayán, recolli en seis textus varias expedicións cordobesas hacia u occidenti peninsulal entre us anus 825 i 838. Estas campañas habrían atravesau probablimenti pasus cercanus a Serra de Gata, en un contextu de enfrentamentus.
As campañas posterioris impulsás por Ordoño I i Alfonso III reforzan esta imagen de un territoriu fronterizu i periféricu, ondi a presencia efectiva de us poderis centrais foi cambainti i desigual a u largu du tempu. Pero pa estis momentus nun temus niñunha evidencia de ocupación du sitiu de Salvaleón.